Хүмүүсийн дунд нэг нийтлэг ташаа ойлголт байдаг

«Их мөнгөтэй болохоороо хөрөнгө оруулалт хийж эхэлнэ» гэж. Гэхдээ бодит байдал дээр эсрэгээрээ.

Хөрөнгө оруулалт гэдэг чинь мөнгөтэй хүний хийдэг зүйл биш, харин мөнгөтэй болохын тулд хийдэг алхам юм.

1. Дадал зуршил нь мөнгөний хэмжээнээс илүү чухал

Хөрөнгө оруулалт бол зүгээр нэг тоо биш, харин дадал зуршил. Их мөнгө хүлээгээд суухаас илүүтэй, бага багаар тогтмол хийх нь илүү үр дүнтэй. Жишээ нь, өдөр бүр авдаг кофены мөнгөөрөө багахан хэмжээний хувьцаа авч эхэлдэг хүн урт хугацаандаа илүү хождог.

2. Нийлмэл хүүгийн хүч

Хөрөнгө оруулалтын хамгийн том «найз» бол хугацаа. Хэдий чинээ эрт, бага дүнгээр эхэлнэ, төдий чинээ мөнгө чинь өсөх боломж ихэснэ. Жишээ нь, 20 наснаасаа сар бүр 50,000₮ хийдэг хүн 30 наснаасаа эхэлсэн хүнээс хамаагүй илүү хуримтлалтай болчихсон байдаг.

3. Инфляцаас хамгаалах

Мөнгө зүгээр байхаараа аажмаар үнэ цэнээ алддаг. Тиймээс хүмүүс зүгээр «их мөнгөтэй болох» гэж биш, харин байгаа мөнгөө хамгаалж, өсгөхийн тулд хөрөнгө оруулалт хийдэг.